SHAWNG DE RAWT

Chyurum myu sha ni rawt ga, SHANGLAWT hpe sai hte nan galai, hkum hkring hkum mau, hkring nga yang ten lai mat na, mau nga yang myu mayu kau ai hkrum na, hpang de hkum gayin jum shadaw tai mat na. Hkum htingnut nawnglut masha mawru hta lawm mat na, ya jang rawt saga.

Chyurum ai Myu Sha ni Na tu ai ni yawng na la mu. Myi tu ai ni yawng mu la mu. Padang Hkrun Lam Majan gaw ya du sai, myit hkrum gahkyin gumdin nna padang Dawng Hkawn Sharawt ga, myu tsaw mung tsaw myit hpe sharawt ga, magrau grang ai nden marai shatsaw sharawt, mayam myit hpe kau da nna ya jang rawt. Myu shamyit ai zingrut htu ai shingma e mam ting sha mayu ai jahtawng n'htu ai Sawa hpe katsan ga du gawt kau saga law.

1-Tsit tsawm daidaw ga hpe jahten sharun chye ai ta katsing lagaw katsing ni hpe dandi kau ga.
2-Chyu jaw Nu num ni hpe shing gyin roi rip ai dutsat chyazai hpaw dam hpe sharin shaga shachyut kau ga.
3-Myu shamyit chye ai matse labye Sawa kanu hpe katsang ga du shachyut kau ga.

Dai ni annau ni arang kaba law law bang ga. Salu salat law law pru yang she awng padang bum pung ding du lu na re. Padang dip la lu na re, annau ni a lamu ga lagaw hta tsap annau ni a awmdawm n'gup aga hte up hkang jiwa ni jaw ai Tara hte hparan Karai Wa mung na ya rit, lamu aga tu matu hkrung mahkrung hka kata na nga, ntsa malen pyen u yawng na ya rit... rawt.. myitsam nbung hte n'dau lajin
dat sai... rawt.

Mungkan shara shagu hta chyam bra nga ai Chyurum ai Myu Sha ni e n'gun atsam, ja gumhpraw atsam hte ten hpring kyu hpyi sak jaw nna Padang Hkrun Lam Majan hta rau sha shawng de rawt sa ga.
Shawng De Rawt..

from; Jinghpaw Kasa